BLUE PLANT LABSبلو بلانت لابز English واتساب صمّم السيستم بتاعك مع المساعد بتاعنا

سيستم إدارة شركات العقارات

كل ليد ليه صاحب.
وكل عمولة متابعة لحد ما تتقبض.

الليدز اللي جاية من البورتالات والسوشيال والواتساب والمكتب في طابور واحد، والوحدات في ليستة واحدة، والعمولة متابعة من الحجز لحد ما البروكر ياخد نصيبه. والعملا بيفضلوا عند الشركة حتى لو البروكر مشي.

  1. ليد من بورتال
  2. أول رد في 15 دقيقة
  3. معاينة
  4. حجز
  5. مطالبة العمولة من المطوّر
  6. البروكر قبض
  • بياناتك ملككتنزّلها ملف CSV وقت ما تحب
  • نسخة احتياطية كل يوم
  • ولا رسالة بتطلع لوحدهاالبروكر بتاعك هو اللي بيبعت
  • عربي وإنجليزي

شغل شركتك النهارده فين؟

  • موبايلات البروكرزأرقام العملا والكلام معاهم
  • جروب واتساب لكل مشروعالأسعار والمتاح بيتوهوا في الرسايل
  • شيت إكسيل للصفقاتمين حجز إيه وبكام
  • داشبورد لكل بورتالليدز كل موقع في شاشة لوحدها
  • ملفات أسعار المطورينملف جديد مع كل لانش
  • كشكول تسجيل العملامين سجّل عميل عند مطوّر وإمتى
  • دماغ التيم ليدرمين بيتابع مين
  • العقود الورقفي دولاب المكتب
كله في سيستم واحد

الليدز والعملا والوحدات والصفقات والعمولات في سيستم شركتك، وكل واحد بيدخل بحسابه ويشوف شغله.

اللي هتشوفه في الديمو

كل الليدز في طابور واحد

من البورتالات والفيسبوك والواتساب والموقع وزيارات المكتب. الليد بيروح للبروكر اللي عليه الدور، ولو مفيش رد في 15 دقيقة مدير الفرع بيشوفه.

شاشة من الديمو: كل الليدز في طابور واحد

العميل لأول بروكر جابه

لو نفس الرقم دخل من فرع تاني، السيستم بيعرفه. الاستفسار بيتضاف على العميل اللي موجود، والعميل بيفضل مع صاحبه الأولاني.

شاشة من الديمو: العميل لأول بروكر جابه

تسجيلات المطورين بعدّاد

كل تسجيل محفوظ بتاريخه ومين سجّله، وقدامه فاضل كام يوم وينتهي. واللي هينتهي خلال 7 أيام باين لوحده.

شاشة من الديمو: تسجيلات المطورين بعدّاد

ليستة وحدات واحدة لكل الفروع

البرايمري بالمطوّر والمشروع والمرحلة، ومعاه الريسيل والإيجار. الحجز المؤقت 24 ساعة وبيتفك لوحده، وطلبات الـ EOI في اللانشات متسجلة على كل وحدة.

شاشة من الديمو: ليستة وحدات واحدة لكل الفروع

مين عليه عمولة ليك ومن إمتى

كل صفقة ماشية على تشيك ليست: استمارة الحجز، المقدم، العقد، تسجيل العميل، المطالبة. وبعدها المطالبة بتتعدّ بالأيام لحد ما المطوّر يدفع.

شاشة من الديمو: مين عليه عمولة ليك ومن إمتى

عمولة البروكر لما المطوّر يدفع

نصيب كل بروكر محسوب على كل صفقة، وبيبقى مستحق لما المطالبة تتدفع. والحسابات بتنزّل الكشف CSV من نفس الشاشة.

شاشة من الديمو: عمولة البروكر لما المطوّر يدفع

يوم البروكر على موبايله

المكالمات اللي عليه، المعاينات، والوحدات الجديدة اللي تناسب عملاءه. كل مكالمة ورسالة بتتسجل بضغطة.

شاشة من الديمو: يوم البروكر على موبايله

كل الفروع في صفحة واحدة

التارجت قصاد المقفول في كل فرع، الصفقة المقفولة كلفتك كام من كل مصدر، والليدز ضاعت ليه.

شاشة من الديمو: كل الفروع في صفحة واحدة

تطبيقات البروكرز بتديك وحدات تبيعها.

السيستم ده بيحفظ اللي بتاعك: عملاءك، وشغل فريقك، والعمولات اللي ليك عند المطورين.

سجلات شغلك محفوظة وإنت شغال

  • في مصر: القرار الوزاري 578 لسنة 2025، اللي اتنشر في يناير 2026، بينظّم تسجيل الوسطاء العقاريين في هيئة الرقابة على الصادرات والواردات.
  • السيستم بيسجّل كل صفقة وعقد وعمولة بتاريخها وإنت شغال، وتنزّلها CSV أو إكسيل وقت ما تحب.
  • السيستم بيحفظ السجلات. التسجيل في الهيئة وورقه عليك.

في الخليج: بنبني على شركتك الخانات اللي بلدك بتطلبها.

  • السعودية (الهيئة العامة للعقار): رخصة فال لكل بروكر، وترخيص إعلان لكل إعلان.
  • دبي: رقم BRN لكل بروكر ورقم ORN للمكتب، ونماذج A و B و F و I، وتصريح Trakheesi لكل إعلان بتاريخ انتهائه.
  • الإيجارات: رقم العقد على منصة إيجار في السعودية، أو رقم إيجاري في دبي.

الديمو معمول على شركة في مصر، والخانات دي بتتضاف على شركتك إنت.

بياناتك

  • بياناتك ملكك.
  • نسخة احتياطية كل يوم.
  • تنزّلها CSV أو إكسيل وقت ما تطلب.
  • ولو وقفت الاشتراك الشهري، السيستم يبقى للقراءة بس وتاخد نسخة من كل حاجة.

الأسعار

بالجنيه المصري، للشركات في مصر.

شركة بفرع واحد

سيستم الشركة فيه 4 موديولات، لحد 5 يوزرز، كل بروكر على موبايله. فرع واحد.

35,000 جنيه مرة واحدة

+ 1,500 في الشهر

أكتر من فرع، أو أكتر من 15 يوزر

بيتسلم على مراحل بخطة مكتوبة، وكل مرحلة بتتسلم وتتجرب وتتدفع قبل اللي بعدها.

على مراحل، والسعر بعد مكالمة 10 دقايق

بخطة مكتوبة على مراحل

الدفع والاشتراك

  • الأول ديمو على شغلك في 24 ساعة
  • من غير مقدّم
  • بنبني السيستم معاك وإنت شغال عليه
  • بتدفع لما كل اللي في الخطة المكتوبة يبقى شغال، وإنت راضي

الاشتراك الشهري بيبدأ بعد التسليم، وفيه:

  • الهوستنج، والسيستم شغال على طول
  • نسخة احتياطية من بياناتك كل يوم، وإكسيل وقت ما تطلب
  • أي حاجة تقف بتتصلّح ببلاش
  • تعديلين صغيرين في الشهر
  • رد على واتساب في نفس اليوم، و24 ساعة بالكتير

يوزرز أكتر، فرع زيادة، أو حاجة مش في الباقة: بتتكتب بسعرها في خطتك قبل ما نبدأ.

لو شركتك في الخليج، بنسعّرلك بعد مكالمة 10 دقايق

أسئلة

عندنا CRM وشيتات إكسيل، هنسيبهم؟
أيوه. الليدز والعملا والوحدات والصفقات والعمولات في سيستم واحد، فمش محتاج شيت لكل حاجة. وبياناتك القديمة بننقلها ببلاش.
لو بروكر ساب الشركة، عملاءه بيروحوا لمين؟
بيفضلوا مع الشركة. بتنقل كل عملاءه والليدز المفتوحة بتاعته لبروكر تاني في خطوة واحدة، والسجل كله بيفضل زي ما هو.
يقدر يثبت إني سجّلت العميل عند المطوّر الأول؟
بيحفظ تاريخ كل تسجيل ومين سجّله، وفاضل كام يوم وينتهي. أما العميل يتحسب لمين في الآخر، فده بيحدده نظام المطوّر نفسه.
مين اللي بيبعت الرسايل للعملا؟
البروكر. الرسالة بتبقى مكتوبة في السيستم، وهو اللي بيبعتها من موبايله. السيستم مبيبعتش حاجة لوحده.
بيشتغل مع الواتساب؟
أيوه. البروكر بيبعت من الواتساب بتاعه النص اللي السيستم كاتبه، والرسالة بتتسجل على العميل.
الليدز من Property Finder و Bayut وعقار ماب بتدخل لوحدها؟
لأ، مش لوحدها. الليد بيتضاف من شاشة الليدز، وبعدها بيروح للبروكر اللي عليه الدور.
عملائي ووحداتي على إكسيل، هيدخلوا إزاي؟
ابعتلنا ملفات الإكسيل أو الـ CSV اللي عندك، وإحنا بنظبطها على خانات السيستم. ولو جاي من برنامج تاني، بننقل بياناتك ببلاش، ولو لسه عندك شهور مدفوعة هناك نخصمها من سعرنا لحد 5,000 جنيه.
فيه نسخة مجانية؟
مفيش نسخة مجانية. اللي فيه: ديمو على شغلك في 24 ساعة من غير مقدّم، وبنبني السيستم معاك وإنت شغال عليه، ومش بتدفع غير لما يعجبك ويشتغل معاك.
ينفع لشركة عقارات في السعودية أو دبي؟
أيوه. بنبني على شركتك الخانات اللي بلدك بتطلبها، زي رخصة فال وترخيص الإعلان في السعودية، أو BRN و ORN وتصريح Trakheesi في دبي. والسعر بنقولهولك بعد مكالمة 10 دقايق.
بياناتي فين، وأقدر آخدها؟
بياناتك ملكك، وهي على السيستم أونلاين، فلو موبايل بروكر ضاع مفيش حاجة بتروح. نسخة احتياطية كل يوم، وإكسيل وقت ما تطلب. ولو وقفت الاشتراك، السيستم يبقى للقراءة بس وتاخد نسخة من كل حاجة.

شوف ديمو على شركتك إنت في 24 ساعة.

ابعت تفاصيل شغلك، وتوصلك خطة مكتوبة.

صمّم السيستم بتاعك مع المساعد بتاعناواتساب