الخصوصية
آخر تحديث: 20 أكتوبر 2026
مين إحنا
بلو بلانت (Blue Plant Labs) بيديرها علي عطيه. لأي سؤال عن بياناتك كلمنا على واتساب 01128402895 أو ابعت على Aly.attia.fr@gmail.com
بنجمع إيه
- لو ملّيت صفحة البلو برنت: اسم المكان، اسمك، رقم الواتساب، لينك الانستجرام أو الموقع لو كتبته، اختياراتك في الصفحة، والفكرة اللي كتبتها أو الفويس نوت لو سجّلت.
- لو كلمتنا على واتساب: الرسايل اللي بينا.
- عدد الزيارات من Cloudflare Web Analytics، من غير كوكيز ومن غير ما نعرف مين اللي زار.
- الخطوط بتتحمّل من Google Fonts، فجوجل بيشوف عنوان الإنترنت بتاع جهازك زي أي موقع بيستخدمها.
مش بنحط كوكيز إعلانات، ومش بنبيع بياناتك ولا بنديها لحد يعلن بيها.
بنستخدمها في إيه
عشان نتواصل معاك، نعملك الديمو اللي طلبته، ونجهّز الخطة والسعر. بنستخدم أدوات ذكاء اصطناعي (Claude من شركة Anthropic) بتساعد في دراسة شغلك وتجهيز الديمو والرسايل، وعلي هو اللي بيبعت كل رسالة بنفسه.
متخزّنة فين ومين يشوفها
البيانات متخزّنة على Cloudflare، وسيرفراتها ممكن تكون برا مصر. اللي بيشوفها علي بس، والفويس نوت متقفولة عليه.
بنفضل محتفظين بيها لحد إمتى
طول ما بنتكلم أو شغالين سوا. لو مكملناش، بنمسحها بعد 12 شهر من آخر كلام بينا، أو قبل كده لو طلبت.
حقك
تقدر تطلب تشوف بياناتك، أو تصلّحها، أو نمسحها، في أي وقت على الواتساب أو الإيميل. ولو قلت إنك مش عايز رسايل تاني، مش هنبعتلك تاني. ده حقك في قانون حماية البيانات الشخصية المصري رقم 151 لسنة 2020.
لو بقيت عميل
السيستم اللي بنعمله بيتسلّم باسمك، وبيانات شغلك وزباينك بتاعتك. بنستخدمها بس عشان السيستم يشتغل. تقدر تنزّلها CSV وقت ما تحب، ولو وقفنا الشغل سوا بنسلّمهالك ونمسحها من عندنا لما تطلب.
لو غيّرنا حاجة
هنغيّر التاريخ اللي فوق. الشروط بتاعتنا في صفحة الشروط.