الشروط

آخر تحديث: 20 أكتوبر 2026

مين إحنا

بلو بلانت (Blue Plant Labs) بيديرها علي عطيه. واتساب 01128402895 · Aly.attia.fr@gmail.com

الموقع

الأسعار اللي على الموقع بالجنيه المصري، والعرض اللي ليه تاريخ بيخلص في التاريخ ده. الديمو اللي على الموقع أمثلة، والأسامي والأرقام اللي جواها مش حقيقية.

قبل ما تشتري

بنعملك ديمو على شغلك إنت تجربه أسبوعين. ولو حاجة معجبتكش، بتتغيّر لحد ما تبقى راضي. الديمو مش بيلزمك بحاجة.

الخطة المكتوبة

كل شغل ليه خطة مكتوبة بسعر ثابت، والشغل الكبير بيتسلّم على مراحل وكل مرحلة ليها خطتها. الخطة دي هي الاتفاق بينا، ولو فيها حاجة مختلفة عن الصفحة دي، اللي في الخطة هو اللي يمشي.

الدفع

من غير عربون. بتدفع لما كل اللي في الخطة المكتوبة يبقى شغال وإنت راضي. وبعد التسليم عندك 7 أيام تراجع فيها إن كل اللي في الخطة شغال.

الاشتراك الشهري

بيبدأ بعد التسليم، وفيه الهوستنج والسيستم شغال على طول، نسخة احتياطية من بياناتك كل يوم وإكسيل وقت ما تطلب، أي حاجة تقف بتتصلّح ببلاش، ورد على واتساب في نفس اليوم و24 ساعة بالكتير. لو دفعت السنة مقدم: 12 شهر بسعر 10.

بياناتك

بياناتك بتاعتك، وكل حاجة بتتسلّم باسمك. تقدر تنزّلها CSV وقت ما تحب. التفاصيل في صفحة الخصوصية.

أي سؤال

كلمنا على واتساب 01128402895