BLUE PLANT LABSبلو بلانت لابز English واتساب صمّم السيستم بتاعك مع المساعد بتاعنا

بنقدم إيه؟

سيستم واحد لشغلك، من الأجزاء اللي محتاجها. اختار نوع شغلك تحت، ونبدأ بديمو عليه في 24 ساعة.

أجزاء السيستم

  • شغل بيتعمل لوحده

    اللي بتعمله بإيدك كل يوم، بيتعمل لوحده

  • سيستم كاشير

    البيع والفاتورة وقفلة اليوم

  • مخازن وجرد

    كل صنف عندك كام، وإيه اللي قرب يخلص

  • حجوزات

    الحجز والعربون والأماكن الفاضية، من غير تضارب

  • متابعة العملاء

    مين اشترى ومين عليه، وتبعتلهم عروض

  • موقع ومتجر

    الزبون يطلب ويحجز من موبايله

  • تقارير وتحليل

    بتكسب منين وبتخسر فين

نبدأ منين؟

سيستم جديد.

شغال على الورق والواتساب والإكسيل؟ بنعملك سيستم واحد على طريقة شغلك.

ابدأ من هنا

اطوّر اللي عندي.

البرنامج اللي عندك ناقصه حاجات؟ بنشوفه الأول، وبياناتك بتفضل زي ما هي، وبنبني اللي ناقص.

ابدأ من هنا

اربط برامجي ببعض.

البرامج اللي عندك تشتغل مع بعض بدل ما تكتب كل حاجة مرتين. بنشوف برامجك الأول قبل ما نوعد بأي حاجة.

  • ربطناهم قبل كده وشغالين: سلة وواتساب وZendesk والإكسيل وجوجل شيت، وملفات CSV كمان.
  • ممكن نربط Shopify وZoho Books ودفترة وقيود، بس بعد ما نشوف اللي عندك.
  • شغال على حاجة تانية؟ ابعتلنا اسمها ونقولك بصراحة إيه اللي يتربط وإيه اللي لأ.
ابدأ من هنا

شغّل الـ AI بتاعي على برامجي.

لو ينفع، بنخلّي الـ AI بتاعك يشتغل على البرامج اللي شغال عليها. بنشوف برامجك الأول قبل ما نوعد بأي حاجة.

ابدأ من هنا

أوتوميشن بيوفّرلك ساعات شغل كل يوم.

  • الأوردر بيوصل الكاشير والمطبخ لوحده، من غير ما حد يكتبه.
  • الحجز بيتأكد للزبون برسالة واتساب جاهزة، لوحده.
  • المخزن بينقص مع كل بيعة، وبينبّهك قبل ما الصنف يخلص.
  • العميل اللي عدّى حده في الآجل، السيستم بيوقفه لوحده.
  • تذكير الزبون بميعاده أو بالباقي عليه، بيتبعت لوحده.
  • قفلة اليوم وتقرير الشهر بيطلعوا لوحدهم، من غير شيت إكسيل.

أي خطوة بتتكرر في شغلك، بنخليها تتعمل لوحدها.

خدمات IT بسعر مكتوب

ابعتلنا المشكلة على واتساب وتاخد سعر مكتوب في نفس اليوم. بنعملها من بعيد، غالبا في كام يوم، وبتدفع لما الشغل يخلص ويشتغل معاك.

  • ربط الفاتورة الإلكترونية والإيصال الإلكتروني

    بالبرنامج أو الكاشير اللي شغال عليه بعد ما نتأكد إنه ينفع يتربط: أكواد الأصناف والتوقيع والتجربة على سيستم الضرائب التجريبي. التوكن بتاع التوقيع بتشتريه إنت باسمك، والـ 500 في الشهر عشان الربط يفضل شغال لما الضرائب تغيّر حاجة.

    من 15,000 جنيه، وبعدها 500 في الشهر
  • رقم واتساب على الـ API

    بنجهّزه ونقدّم على توثيق النشاط عند Meta، عشان السيستم يبعت التأكيدات لوحده. مصاريف رسايل Meta بتدفعها إنت باسمك.

    4,000 جنيه، وبالردود الأوتوماتيك من 8,000 جنيه شامل الرقم
  • شاشة واحدة فوق اللي شغال عليه

    كاشير، محاسبة، حضور وانصراف، إكسيل: الأرقام في مكان واحد والبرامج بتكلم بعض. لو برنامجين: 14,000 وبعدها 1,500 في الشهر.

    6,000 جنيه و4,000 لكل برنامج، وبعدها 1,500 في الشهر
  • الـ AI بتاعك يشتغل على اللي شغال عليه، لو ينفع

    بنربط البرنامج اللي شغال عليه بـ Claude، مساعد AI زي ChatGPT، بعد ما نتأكد إنه ينفع يتربط. دلوقتي بنربط على Claude بس. تسأله بكلامك العادي: حجوزات النهارده كام، مين لسه عليه فلوس، ولو برنامجك بيسمح بالتعديل: ضيف الأوردر ده. ليه دخول لوحده وحد أقصى للتعديلات، وكل تعديل بيتسجل. شغال دلوقتي على Zendesk عند عميل وعلى صفحتنا على فيسبوك وانستجرام. والنسخة المجانية من Claude بتسمح بربط واحد زي ده.

    سعر مكتوب في نفس اليوم
  • موقع وقع أو اتهكر أو بطيء

    بنعيد بناءه عندنا بنفس الصفحات ونفس الشكل، وبعدها نتابعه زي أي موقع بنستضيفه: استضافة ونسخة احتياطية يومية وتصليحات. التصميم الجديد ليه باقة الموقع.

    من 6,000 جنيه، وبعدها 900 في الشهر
  • إيميل باسم شغلك

    لحد 5 أفراد، ونقل الإيميلات القديمة. اشتراك Google أو Microsoft والدومين بتدفعهم إنت باسمك، حوالي 150 لـ 180 جنيه للفرد في الشهر.

    2,500 جنيه
  • مسؤول الـ IT بتاعك، شهري ومن بعيد

    مساعدة في نفس اليوم في مواعيد الشغل لأجهزة الفريق وموبايلاتهم، حسابات فيسبوك وانستجرام وواتساب وجوجل عليها تأمين بخطوتين ومتراجعة كل شهر، الإيميل والدومين متظبطين، نسخة من ملفاتك كل شهر، وتعديلين صغيرين في الشهر. لحد 5 أفراد 1,500، لحد 15 فرد 2,500، أكتر من 15 أو فرعين 3,500. مش بنبيع أجهزة ولا بنيجي في المكان.

    من 1,500 جنيه في الشهر

حاجة تانية؟ برنامج قديم، Odoo أو دفترة محتاجين تعديل، إكسيل بقى ملخبط، صفحة اتهكرت (رجوعها في إيد Meta): ابعتهالنا على واتساب وتاخد سعر مكتوب في نفس اليوم. مش بنبيع ولا بنركّب أجهزة ولا كاميرات ولا شبكات، ولو الشغل محتاج فني عندك بنقولك قبل ما نبدأ.

أسئلة بتتسأل كتير

بيشتغل من غير نت فعلاً؟
ايوه. البيع والطباعه وقفلة اليوم بتشتغل على الجهاز، ولما النت يرجع كل الاجهزه بتتزامن لوحدها.
محتاج أشتري أجهزة جديدة؟
غالبا لأ. بيشتغل على الموبايل والكمبيوتر اللي عندك وأي طابعه حراريه، وبنجرب الطباعه قبل التسليم.
ينفع أكتر من كاشير أو أكتر من فرع؟
ايوه. كل الاجهزه على نفس السيستم وبتتزامن، والفرع الزياده بيتضاف من غير ما نعيد حاجه.
لو الجهاز باظ أو اتسرق، بياناتي بتروح؟
لا. بياناتك على السيستم مش على الجهاز. تفتح من أي جهاز تاني بنفس الدخول، وفيه نسخه احتياطيه كل يوم.
الورق ماشي معايا، أغيّر ليه؟
ماشي، لحد ما تحب تعرف بعت بكام النهارده وإنت في البيت، أو تحتاج تحسب نصيب شريكك آخر الشهر. اتفرج على أي سيستم في شغلنا 3 دقايق، ولو مفرقش معاك، خلاص.
بتعملوا خدمات IT كمان؟
أيوه، اللي بيتعمل من بعيد: ربط الفاتورة الإلكترونية، رقم واتساب API، إيميل باسم شغلك، موقع وقع، شاشة تقارير فوق برنامجك، الـ AI بتاعك يشتغل على اللي شغال عليه لو ينفع، ومتابعة IT شهرية لأجهزة الفريق وحساباته. سعر مكتوب في نفس اليوم، ومن غير أجهزة ولا كاميرات ولا تمديد شبكات.

متفصّل على مقاسك النهارده، ويكبر معاك بكرة.

ابعت تفاصيل شغلك، وتوصلك خطة مكتوبة.

صمّم السيستم بتاعك مع المساعد بتاعناواتساب